Renovigita: 030103
Reiru al mia ludejo.
Montru unikodan version

Celo:

Tiu cxi pagxo permesas al instruisto sendi tekston pri sintakso aux morfologio al mia programo CGI, kiu gxin sxangxos al sinkorektiva testeto kiun la instruisto povas tuj uzi en sia propra retsitejo. La elektoj trovigxas ene de normalaj linioj.

La testeto montras la numeron de korektaj respondoj, sed ne indikas kiuj respondoj pravas aux malpravas. La studento devas sxangxi respondojn gxis cxio estas korekta. Por eviti senton de instruista minaco, mankas en la programo rimedo por raporti la "aventuroj" de la studento al la instruisto.

Klaku por specimeno en formato X, H, aux Unikodo.

Instrukcioj:

• Preparu viajn demandojn en la gxusta formato kaj tajpu aux "gluu" ilin en la suban skatolon.
• Tiam klaku la butonon "Sendu" kaj (se Dio volontas) tuj revenos via testeto en formo de pagxo HTML tauxga por retsitejo.
• Nepre gardu la pagxon kun tauxga titolo kaj sufikso .htm aux .html.

Skatoletoj por Dataoj

Specimenaj Dataoj

Mi estas kvardekjara kaj tial mi hav[%as|is|os] 40 jarojn. 
Mi logxas en La Chau!x de Fonds. Antaux 10 jaroj 
mi hav[as|%is|os] 30 jarojn kaj est[as|%is|os] 30-jaragxa. Post 
dek jaroj mi hav[as!!!is!!!%os] 50 jarojn.
%%
Mia patrino naskigx[as|%is|os] antaux ol mi naskigxis, kompreneble, 
sed sxi tamen restis tre juna kiam sxi edzinigx[as|%is|os] kaj naskis 
min kaj miajn gefratojn.

Cxefaj Reguloj pri Formato:

1. Cxiu elekto havas la formaton [ebleco 1 | ebleco 2 | ebleco 3 ]. Ne estas limo pri la numero de eblecoj.
   (Se cxe via klavaro mankas tubo "|", uzu anstatauxe tri krisignojn: !!!)

2. La gxustan respondon oni indiku per "%" tuj antaux gxi.

3. Vi povas elekti inter formatoj "X", "H", kaj "Unikodo" por la fina testeto, sed nepre uzu nur la formaton X en la skatolo!

4. Por konservi "veran" X-on en formatoj "H" kaj "Unikodo", metu antaux gxi krisignon: La Chau!x de Fonds.

5. Cxiu alineo finigxu per %%. (Tio estas ellasebla por la plej lasta.)

6. Se mankos "instrukcioj" la programo entajpos "Elektu po unu el inter la donitaj ebloj."

Aliaj Observoj

1. Malplenaj linioj tute malgravas.

2. Nepre tralegu vian finredaktitan testeton kaj nepre provu cxiujn gxiajn demandojn. (Oni facile mistajpas!) Kredeble vi deziros modifi kelkajn aspektojn. Ekzemple, vi eble deziros aldoni bildojn, aux sxangxi la enkondukajn instrukciojn. Lauxvole faru!

3. Se viaj testunuoj estas ENE DE vorto (ekz.: est[is|%as|os], ka komputilo povas mis-dividi la vorton apud la testunuo. Tio varios de ekrano al ekrano. Vi eble devos aldoni rompindikilon ("<br>") en lauxgaj lokoj kiam vi kontrolos la finan rezulton.

4. Kaj apostrofoj (') kaj duoblaj citiloj (") estas tute uzeblaj. Ankaux aliaj simboloj specialiaj sekvas ordinarajn regulojn de HTML. Simile oni povas enmeti instrukciojn de HTML mem, ekz.: <i> aux <b>.

5. Tri demandosignoj "???" trovigxos por cxiu respondo kiam la uzanto ankoraux nenion faris. La programo aldonas tion kaj vi ne prizorgu.

6. Se mankos indikilo de korekta respondo, aperos urgxa rugxa averto sur via testeto. (Provu! Kostos neniom!)

7. Cxar la formato cele ne indikas la naturon de la eraroj —nur la numeron— mi rekomendas nur mallongajn testetojn. Se la demandoj estas facilaj, la testeto povas esti pli longa, eble 10 gxis 12 demandoj. Se la demandoj estas malfacilaj, la testeto estu pli mallonga por ne malkuragxigu la studentojn. Por bona ekzerco, la samaj demandoj povas esti organizitaj komence en tri testetojn, kaj poste en nur du aux ecx unu!

8. La sinkorekta aspekto de la testeto dependas de la programeto JavaScript kiu kasxas en la pagxo de HTML. Se vi kunmetos multajn testetojn sur la sama pagxo, ili komence devas havi malsamajn nomojn, cxar la internaj kodoj devenas de la nomo kiun vi donas al la testeto.

9. Se la unua alineo estas malplena, vi ricevos indikilon pri malgxusta formato por la unua demando.

10. La dato kiam kreigxis la testeto estas laux la tempo en Kalifornio, kie logxas la patrina komputilo. Se tio gxenas, vi kompreneble povos redakti gxin.

11. Por eviti pure mekanikajn divenojn sen pripenso pri la enhavo de la testeto, la programo rifuzas kalkuli poentojn al studento kiu respondis al malpli ol duono de la testeto.

12. Vi rajtas elekti inter "hela" kaj "malhela" fonoj. La malhela fono malfaciligas presadon per plej multaj printiloj por malfaciligi parkeron de la rezultoj anstataux reuzo de la testeto. La pli felicxiga, hela fono estas por uzo kiam tio ne probablas.

13. Mi min anticipe senkulpigas se tiu cxi programo komplikigos vian vivon en neantauxvidita maniero. Mi celis nur esti helpema!

Reiru al la komenco.